Нахуствазири Тоҷикистон Қоҳир Расулзода рӯзи 18 май ҳайати доираҳои тиҷоратӣ ва соҳибкорони Олмонро ба ҳузур пазируфт. Ҳайати тоҷирону соҳибкорони Олмонро директори генералии Кумита оид ба иқтисодиёти шарқ Райнер Линдер роҳбарӣ мекунад, ки ҷиҳати иштирок дар ҳамоиши мазкур ба Душанбе омадаанд.
Сармушовири хадамоти матбуоти президенти ҶТ Субҳиддин Муҳиддинов ба «Азия-Плюс» дар ин робита иттилоъ дод, ки зимни мулоқот масоили ҳамкории ҷонибҳо дар бахшҳои энергетика, саноату кишоварзӣ ва сайёҳӣ баррасӣ шуда, таъкид гардид, ки Тоҷикистон барои ҷалби сармоягузории Олмон ба иқтисоли ҷумҳурӣ тамоми шароитҳои мусоидро фароҳам месозад.
«Ба доираҳои тиҷоратии Олмон таъсиси корхонаҳои муштараки коркарди маҳсулоти кишоварзӣ, саноати бофандагиву дӯзандагӣ ва сохтмони нерӯгоҳҳои хурду миёнаи барқи обӣ пешниҳод шуд», – гуфт манбаъ.
