Муовини аввали нахуствазири Тоҷикистон Давлаталӣ Саид рӯзи 11 июн бо ноиби президенти Бонки сармоягузории Аврупо Вилгелм Молтер мулоқот кард.
Сармушовири хадамоти матбуоти сарвари давлат Субҳиддин Муҳиддинов ба «Азия-Плюс» дар ин робита иттилоъ дод, ки зимни вохӯрӣ вазъи кунунӣ ва дурнамои ҳамкориҳои дуҷониба дар бахшҳои таҷдиду азнавсозии нерӯгоҳҳо барқи обӣ, сохтмони хатҳои интиқоли барқ, рушди бахши кишвоарзӣ ва бонкӣ дар Тоҷикистон мавриди баррасӣ қарор гирифтанд.
Ба гуфтаи манбаъ, аз рӯйи натиҷаи вохӯрӣ миёни ҳукумати Тоҷикистон ва Бонки сармоягузории Аврупо дар бораи аз ҷониби ин бонк ҷудо кардани 70 млн. евро барои амалисозии лоиҳаи CASA-1000 Созишномаи молиявӣ ба имзо расид.
Зимнан зикр гардид, ки созишномаро вазири молияи Тоҷикистон Абдусалом Қурбониён ва Вилгелм Молтер ба имзо расонидаанд.
