Муовини якуми сардори Хадамоти гумруки назди ҳукумати Тоҷикистон Каримзода Хуршед Абдураҳмон бо намояндагони Бонки осиёнии рушд (БОР) Олег Самухин ва Зоран Васлинович дидору гуфтушунид кард.
Бино ба иттилои дафтари матбуоти Хадамоти гумруки ҷумҳурӣ, зимни вохӯрӣ масъалаи амалисозии лоиҳаи «Ҳамкории иқтисодии минтақавии Осиёи Марказӣ барои беҳтар намудани хадамоти наздисарҳадӣ» баррасӣ шуд, ки бо маблағи умумии 11, 2 млн. доллари ИМА ба нақша гирифта шудааст.
Гуфта мешавад, доиҳаи мазкур аз бахшҳои «Сохтмони нуқтаи сарҳадии иҷозатдиҳиву назоратии Гулистон» (н. Исфара), «Таъсиси равзанаи ягонаи миллии Ҷумҳурии Тоҷикистон» ва «Идоракунии Гурӯҳи ҳамоҳангсозии Лоиҳа» иборат буда, амалисозии он соли 2014 оғоз ва анҷомаш соли 2018 дар назар аст.
