Аз рӯи натиҷаҳои
ҷаласаи дуюми
Комиссияи байниҳукуматии Тоҷикистону Молдова оид ба ҳамкориҳои тиҷоративу иқтисодӣ ва илмиву техникӣ дар Душанбе Протокол ба имзо расид.
Ин санадро ҳамраисони комиссия аз ҷониби Тоҷикистон – раиси Кумитаи давлатии сармоягузорӣ ва идораи амволи давлатии ҷумҳурӣ Қодири Қосим ва аз ҷониби Молдова – муовини вазири иқтисоди ин кишвар Тудор Копчак ба имзо расониданд.
Дар ин санад тавсия дода мешавад, ки баҳри ноил гардидан ба афзоиши ҳаҷми муомилоти мол миёни кишварҳо ва густариши ҳамкориҳои дуҷонибаи гуногунпаҳлӯи иқтисодиву тиҷоратӣ ва илмиву техникӣ, таҳияи лоиҳа ва имзои Барномаи нави дарозмуҳлати ҳамкории иқтисодӣ байни Тоҷикиситону Молдова барои солҳои 2015-2020 мувофиқи мақсад аст.
Комиссия қарор кард, ки ҷаласаи сеюми Комиссияи байниҳукуматии Тоҷикистону Молдова оид ба ҳамкориҳои тиҷоративу иқтисодӣ ва илмиву техникӣ соли 2016 дар шаҳри Кишинев доир мегардад. Ҷаласаи якуми комиссияи мазкур соли 2004 дар шаҳри Кишинев баргузор гардида буд.
