Кормандони милитсия рӯзи 15 ноябр аз рӯи далели фурӯши тифли навзод сокини ноҳияи Данғара, як зани 32-соларо боздошт намуданд.
Бино ба иттилои маркази матбуоти ВКД Тоҷикистон, муайян карда шудааст, ки ин зан моҳи майи соли 2015 ба воситаи миёнарав, зани 44-солаи сокини ноҳияи Файзобод, писарбачаи навзодашро ба зани 33-солаи сокини шаҳри Душанбе ба маблағи 900-сомонӣ фурӯхтааст.
Гуфта мешавад, нисбати далели мазкур парвандаи ҷиноятӣ оғоз гардида, тафтишот дар ин самт идома дорад.
