Зимни вохӯрии муовини нахуствазири Тоҷикистон Марҳабо Ҷабборӣ бо намояндаи доимии Бонки ҷаҳонӣ дар Тоҷикистон Динора Ҷолдошева, ки ахири ҳафтаи гузашта дар Душанбе доир гардид, масоили ҳамкориҳои Тоҷикистон бо ин ниҳоди байнулмилалии молӣ дар бахши иҷтимоӣ баррасӣ шуданд.
Тавре ба «Азия-Плюс» як манбаъ аз ҳукумати ҷумҳурӣ дар ин робита иттилоъ дод, дар ҷараёни мулоқот атрофи густариши ҳамкориҳои дуҷониба дар масоили беҳбуди бозори меҳнат дар Тоҷикистон, ҷалби занҳои хонанишин ба кори доимӣ ва таъсиси ҷойҳои нави корӣ табодули назари судманд сурат гирифт.
Зимни мулоқот зикр гардид, ки барои табодули таҷриба бо намояндагони Бонки ҷаҳонӣ оид ба масоили бахши иҷтимоӣ, Тоҷикистон фаъолияти вазорату идораҳои ҷумҳуриро ҳамоҳангс охта, онҳоро дар ин самт дастгирӣ мекунад.
