Палатаи поёнии парлумони ҷумҳурӣ тағйироту иловаҳои аз ҷониби ҳукумат пешниҳодшуда ба қонун «Дар бораи низоми иҷозатномадиҳӣ»-ро маъқул шуморид.
Зимни шарҳи тағйироту иловаи мазкур ба ҳамтоёни худ вакил Толиббек Бухориев қайд кард, ки онҳо ба соддатару осонтар кардани машғул шудан ба тиҷорат аз ҷониби шаҳрвандони ҷудогона, шахсони ҳуқуқӣ ва сармоягузорон нигаронида шудаанд.
«Мутобиқи тағйироту илова, номгӯи рӯйхати гирифтани ҳуҷҷатҳои иҷозатномавӣ дар бахшҳои аудит, аудити экологӣ, сохтмони роҳҳои автомобилгард, рондани чорво ба воситаи роҳҳои автомобилгард, ниҳолшинонӣ қад-қади ҷуйбор (канал) ва ҳавзу обанборҳо ба миқдори 30% кам карда мешавад», – иброз дошт вакил.
