Мақомоти маҳаллии ҳукумати шимоли Афғонистон изҳор доштаанд, ки шаби гузашта дар дар вулусволии Бағлони марказии вилояти Бағлон боз як пояи хатти интиқоли барқ аз Тоҷикистгн ба Афғонистон тарконида шудааст.
Ин маротибаи дуюм аст, ки ба пояи хатти интиқоли барқ аз Тоҷикистон ба Афғонистон осеб расонида мешавад.
Муҳандис Ғуломҳусайн Ҳайдар, раиси барқи вилояти Бағлон рӯзи 21 феврал ба
Радиои Озодӣ
гуфтааст, ки ин пояи барқ шаби гузашта тарконида шудааст, аммо ба замин наафтида ва ҷараёни барқ низ қатъ нашудааст.
Ёдрас мекунем, ки ахири ҳафтаи гузашта баъди аз ҷониби толибон тарконда шудани хатти интиқоли барқ аз Ӯзбекистон, шаҳри Кобул 70% бебарқ монд. Раҳбарияти ширкати энерегетикии афғонии «Брешно»
аз мақомоти Тоҷикистон дархост кард
, ки ҳаҷми интиқоли нерӯи барқ ба ин кишвар зиёдтар карда шавад.
Баъдан толибон ҳамчунин ба симчӯби хатти интиқоли барқ аз Тоҷикистон низ осеб расониданд, вале пулис дар муддати кӯтоҳ ин қаламравро таҳти назорат гирифта, интиқоли барқ барқарор шуд.
