Дар рӯзи аввали оғози маъракаи даъват ба хизмати ҳарбӣ дар сафи Қувваҳои Мусаллаҳи кишвар шаҳри Истиқлол ва ноҳияи Кӯҳистони Мастчоҳи вилояти Суғд аз иҷрои нақшаи даъват мужда расониданд. Дар ин бора ба «Азия-Плюс» аз маркази матбуоти Вазорати мудофиаи ҶТ хабар доданд.
Бино ба иттилои манбаъ, қариб ҳамаи наваскарон аз шаҳру ноҳияи номбаршуда ихтиёрӣ ба хизмат дар артиш ҳозир шудаанд.
Хотиррасон шуд, ки бо дастури вазири мудофиаи ҷумҳурӣ генерал-лейтенант Шералӣ Мирзо имсол ба сафҳои артиши миллӣ танҳо наваскарони бомаърифату саводнок ва солим даъват карда мешаванд.
