Арабистони Саудӣ талаботи Эрон дар робита ба масъалаи иштироки зойирони эронӣ дар маросими ҳамасолаи ҳаҷро рад кард. Дар ин кишвар айбномаи Эрон доир ба аз ҷониби Арабистони Саудӣ «баста шудани роҳ ба сӯи Аллоҳ»-ро «қобили қабул намешуморанд».
Вазири корҳои хориҷии Арабистони саудӣ Одил ал-Ҷубайр изҳор доштааст, ки Эрон иҷозати гирдиҳамойӣ гзаронидан ва имтиёзоти дигареро талаб кардааст, ки ба бетартибӣ дар маросими адои ҳаҷ дар шаҳрҳои муқаддаси ин кишвар боис шуда метавонанд.
Қаблан рӯзи якшанбе вазири фарҳанги Эрон Алӣ Ҷаннатӣ изҳор намуда буд, ки эрониён имсол ба зиёрати Хонаи Худо намераванд.
Соли 2015 дар маросими адои ҳаҷ беш аз 460 нафар зойирони эронӣ зери пойи издиҳоми бузург монда, ба ҳалокат расида буданд. Ҳукумати Эрон Арабистони Саудиро дар ғайриқаноатбахш ташкил кардани маъракаи ҳаҷ гунаҳкор хонд.
Моҳи январи соли равон бинобар сабаби оташзаниву ҳамлаи тазоҳургарон ба бинои сафорати Арабистони Саъудӣ дар Теҳрон ва консулгарии кишвар дар Машҳад, Арабистони Саудӣ робитаҳояш бо Эронро қатъ кард.
