Аз рӯи болоравии қурби доллари ИМА нисбати арзи миллӣ дар семоҳаи аввали соли ҷорӣ миёни кишварҳои паҳнои пасошӯравӣ Тоҷикистон зинаи аввалро ишғол намуд.
Тибқи таҳлилҳои
БелаПАН
бо такя ба маълумоти мақомоти омори кишварҳо, давоми моҳҳои январ-марти соли равон қурби доллари ИМА нисбат ба сомонӣ 12,57% (аз 6,9902 то ба 7,869 сомонӣ) афзудааст.
Дар ин давра қурби доллари ИМА нисбат ба арзҳои миллӣ дар Беларус – 6,56% (аз 18.569 то 19.788 рубл), Украина – 4,86% (аз 24,000667 то 25,166002 гривна), Ӯзбекистан – 4,08% (аз 2.809,98 то 2.924,63 сӯм) ва Молдова – 1,78% (аз 19,6585 то 20,0088 лей) боло рафтааст. Дар Туркманистон қурб мисли пешина (3,50 манат) боқӣ мондааст.
Тайи се моҳи аввали соли 2016 қурби доллари ИМА дар Қазоқистон — 0,81% (аз 339,47 то 336,73 танга), Арманистон — 1,28% (аз 483,75 то 477,55 драм), Латвия, Литва ва Эстонии — 2,40% (аз 0,9185 то 0,8965 евро), Озарбойҷон — 4,41% (аз 1,5594 то 1,4906 манат), Россия — 9,33% (аз 72,8827 то 66,0825 рубл), Қирғизистон — 10,01% (аз 75,8993 то 68,2986 сом) ва Гурҷистон — 10,34% (аз 2,3949 то 2,1472 лари) поин рафтааст.
Дар ҳамин ҳол, моҳи май қурби доллари ИМА дар Беларус 2,99% боло рафта, ин кишвар зинаи аввалро касб кардааст. Зинаҳои баъдиро Қазоқистон (2,77%), Россия (2,72%), Латвия, Литва, Эстония (2,22%-ӣ), Молдова (1,17%) ва Ӯзбекистон (0,88%) ишғол кардаанд.
Дар Туркманистон қурби доллари тағйир наёфта, дар Тоҷикистон ба андозаи 0,01%, Украина – 0,08%, Қирғизистон – 0,18%, Арманистон – 0,22%, Озарбойҷон – 1,10% ва Гурҷистон – 3,75% поин рафтааст.
