Сарвазири мамлакат Қоҳир Расулзода рӯзи 21 июн бо вазири меҳнат ва ҳифзи иҷтимоии аҳолии Ҷумҳурии Озорбойҷон Салим Муслимов мулоқот кард.
Бино ба иттилои
АМИТ «Ховар»
, дар вохурӣ масоили марбут ба сатҳи ҳамкории Тоҷикистон ва Озорбойҷон дар соҳаи меҳнат ва ҳифзи иҷтимоии аҳолӣ мавриди баррасӣ қарор дода шуд.
Тавре таъкид гардид, дар сиёсати имрӯзаи роҳбарияти давлату Ҳукумати Ҷумҳурии Тоҷикистон ҳифзи иҷтимоии аҳолӣ нақш ва мақоми арзанда дошта дар ҳамин замина барои беҳдошти ҳифзи иҷтимоии аҳолӣ ҳамасола тадбирҳои муасир андешида мешаванд.
Ҷонибҳо доир ба тақвияти муносибатҳо дар соҳаҳои ҳифзи иҷтимоии аҳолӣ, табодули таҷрибаи байни ҳамдигарӣ ва омода намудани мутахассисони баландихтисоси соҳа гуфтугуи судманд анҷом доданд.
