Сарвиноз Раҳматова, ки аввали сол ба иттиҳоми даст доштан дар қатли аъзои оилаи Бобоевҳо аз ноҳияи Бобоҷон Ғафуров ба 28 соли зиндон маҳкум шуда буд, метавонад мутобиқи қонуни афв ба муносибати 25-умин солгарди Истиқлолияти давлатии Тоҷикистон ба озодӣ барояд.
Зимни баррасии лоиҳаи қонуни нав «Дар бораи афв» дар палатаи поёнии парлумон сардори Сарраёсати иҷрои ҷазои ҷиноятии Вазорати адлияи ҶТ генерал-лейтенант Иззатулло Шарифов дар ин робита изҳор намуд, ки мутобиқи бандҳои қонуни амалкунанда С.Раҳматова мавриди авф қарор мегирад.
Дар мавриди ин масъала Иззатулло Шарифов пешниҳод кард, ки ба лоиҳаи қонуни нав тағйирот ворид карда шавад, то ки минбаъд ба афви занони чунин ҷиноятҳои вазнин содиркарда имкон дода нашавад.
Раиси палатаи поёнии парлумони ҷумҳурӣ Шукурҷон Зуҳуров ваъда дод, ки ин пешниҳод баррасӣ мешавад.
Ёдрас мекунем, ки аввали соли равон ҳафт тан аз аъзои оилаи Раҳматовҳо – сокинони шаҳрҳои Хуҷанду Чкалов барои гунаҳкорӣ
дар қатли аъзои оилаи Бобоевҳо
аз ноҳияи Бобоҷон Ғафуров ба муҳлатҳои зиёди зиндон маҳкум шуданд.
