Президенти Русия Владимир Путин қабри президенти Ӯзбекистон Ислом Каримовро дар Самарқанд зиёрат намуда, бо гузоштани гучанбар рӯйи он ба хотираи ӯ арҷгузорӣ кард. Дар ин маросим ӯро нахуствазири Ӯзбекистон Шавкат Мирзиёев ҳамроҳӣ кард. Дар ин бора РИА Новости хабар медиҳад.
Сипас ӯ ба Қасри анҷуманҳо – қароргоҳи президенти Ӯзбекистон дар Самарқанд раҳсипор шуда, дар пояи акси Ислом Каримов гулчанбар гузошт ва ба ҳамсари Каримов – Татяна Каримова ва духтари хурдии ӯ – Лола Каримова-Тиллоева тасаллияту ҳамдардӣ изҳор намуд.
Ба иттилои РИА Новости, дар идома суҳбати президенти Русия бо пайвандону наздикони Каримов бидуни ҳузури рӯзноманигорон сурат гирифт.
https://www.youtube.com/watch?v=dIQ8pkmnMOA
Ёдрас мекунем, ки Президенти Русия Владимри Путин ҷиҳати арзи эҳтиром ва зиёрати қабри собиқ президенти Ӯзбекистон Ислом Каримов, имрӯз, 6 сентябр ба шаҳри Самарқанд ташриф овард. Зимни мулоқот бо журналистон дар нишасти G20 дар Ханчжоуи Чин Путин изҳор дошт, ки дар поягузории давлати мустақили Ӯзбекистон Каримов саҳми босазо гузошта, марги ӯ барои мардуми ин кишвар талафоти бузург аст.
