Суди шаҳри Душанбе сокини пойтахт Бахтиёр Агамалиевро барои қатли ҳамсари худ ба 18 соли зиндони низомаш шадид маҳкум кард.
Бино ба иттилои хадамоти матбуоти Прокуратураи генералии ҷумҳурӣ, Агамалиев Б.А. барои он айбдор карда шудааст, ки ҳамсараш Низамова Ш.Р.-ро дар сабукпоӣ ва ишқварзӣ бо мардони бегона гумонбар дониста, аз рӯи бадбинӣ ва рашк соати 04:00-и субҳи 21 июли соли 2016 ҳангоми хоб будани кӯдакони хурдсолаш бо истифода аз ҳолати оҷизӣ, яъне аз таъсири машруботи спиртӣ дар ҳолати мадҳушӣ ва хоб қарор доштани ҳамсараш бо роҳи дар рӯяш зер кардани болишт, ӯро нафасгир намуда, ба ҳалокат расонидааст.
Гуфта мешавад, сипас бо мақсади рӯйпӯш намудани изи ҷинояти содирнамудааш худи ҳамон рӯз ҷасади ҳамсарашро ба ҳамоми хона дароварда, дар дохили ҳаммом (ванна) онро ба қисмҳо ҷудо намуда, дар якчанд халтаи селофанӣҷойгир кардааст. Баъдан аз соати 12:00 то соати 20:00 ҳар як ин халтаҳои селофаниро дар алоҳидагӣ ба назди маркази савдои “Ёвар”бурда, ба дарёи “Душанбе” партофтааст.
