Сардухтури хонаи кӯдакони байниноҳиявии шаҳри Истаравшан Юнусҷон Раупов ба шаҳрванд Нилуфар Файзуллоева, ки барои гирифтани кӯдак аз хонаи кӯдакон дар навбат буд, мусоидати худро ба гирифтан кӯдаки ҷинсаш зан пешниҳод мекунад.
Барои ин хизмати худ сардухтур аз Файзуллоева 3 ҳазор сомонӣ маблағ талаб кардааст, хабар медиҳад маркази матбуоти Прокуратураи генералии Тоҷикистон.
Гуфта мешавад, баъди чанде ӯ аз Файзуллоева барои фарзандхонд кардани акнун писарча боз 10 ҳазор сомонӣ маблағ талаб мекунад.
Сардухтур ҳангоми гирифтани маблағи 5 ҳазор сомонӣ дастгир шудааст. Нисбати ӯ дар мақомоти прокуратураи маҳалли мувофиқи моддаи “қаллобӣ”-и КҶ Тоҷикистон парвнадаи ҷиноятӣ боз шуда, бо қарори суди шаҳри Истаравшан ӯ ба маблағи 18 ҳазору 250 сомонӣ ҷарима шудааст.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
