Вазири корҳои хориҷии Тоҷикистон Сироҷиддин Муҳриддин муовини якуми ёвари Котиби давлатии Иёлоти Муттаҳидаи Амрико дар умури Осиёи Ҷанубӣ ва Марказӣ Элис Уэллсро, ки аз кишвари мо боздид мекунад, ба ҳузур пазируфт.
Бино ба иттилои Вазорати корҳои хориҷии ҶТ, дар вохӯрӣ ҷонибҳо ҳолати кунунӣ ва дурнамои густариши ҳамкориҳои гуногунҷанбаи Тоҷикистону Амрикоро мавриди баррасӣ қарор дода, роҷеъ ба масъалаҳои мубрами минтақа ва ҷаҳон, аз ҷумла, дар соҳаи амният табодули назар карданд.
Гуфта мешавад, зимни баррасии мавзӯи амнияти минтақавӣ ҷонибҳо ба масъалаҳои таҳкими ҳифзи марзҳои Тоҷикистону Афғонистон, талошҳои пайваста дар муборизаи муштарак бо хатару таҳдидҳои замони муосир, бахусус, терроризм, ифротгароӣ, тундгароӣ ва гардиши ғайриқонунии маводи мухаддир таваҷҷуҳи хос зоҳир карданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 45 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
