Президенти Тоҷикистон Эмомалӣ Раҳмон имрӯз, 2-юми апрел як қатор қонуну кодексҳоро ба имзо расонид, ки ба онҳо тағйироту иловаҳо ворид гардида буданд.
Бино ба иттилои хадамоти матбуоти сарвари давлат, аз ҷумла раисҷумҳур Кодекси об, Кодекси нақлиёти автомобилии Тоҷикистон, Қонуни ҶТ “Дар бораи хизматрасониҳои давлатӣ” ва Қонуни ҶТ “Дар бораи ворид намудани тағйиру иловаҳо ба Кодекси мурофиавии иқтисодии ҶТ”-ро имзо кард.
“Қонунҳои номбурда бо мақсади рушди хизматрасониҳо дар соҳаи нақлиёти автомобилӣ ва истифодаи об қабул гардида, ташкили ҳамлу нақли мусофирон, бор, бағоҷ, истифодаи самаранок ва ҳифзи захираҳои об, масъулият ва уҳдадориҳои мақомоти хизматрасон, инчунин амалӣ кардани фаъолиятро дар самтҳои дигари соҳаҳои хизматрасонӣ танзим мекунанд”, – омадааст дар хабар.
Гуфта мешавад, қонунҳои баимзорасида дар маҷмӯъ барои баланд бардоштани сифати хизматрасониҳои давлатӣ дар соҳаҳои гуногуни ҳаёти ҷомеа ва беҳдошти сатҳи зиндагии мардум равона шудаанд. Матни пурраи қонунҳо дар матбуот чоп мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
