Шабакаи оператори навовар ва пешсафи кишвар – ширкати Tcell, дар вилояти Суғд лоиҳаи бузургмиқёси таҷдиди шабакаашро идома медиҳад. Дар чорчӯби ин тарҳ, дар саросари минтақаи мазкур 48 пойгоҳи базавии стандарти 4G и 3G такмил ёфта, 5 пойгоҳи ҷадид насб шуд.
Шабакаи Tcell дар калонтарин нуқтаҳои аҳолинишини вилояти Суғд ҳамвора таҷдид ва такмил мешавад. Талаботи аҳолӣ ба хизматрасониҳои рақамӣ (диҷитол) меафзояд ва аз ин рӯ Tcell раванди беҳтар кардани сатҳу сифати алоқаро идома медиҳад. Ҳамин тавр, дар Хуҷанд, Б. Ғафуров ва ноҳияи Мастчо 5 пойгоҳи наву муосири стандарти 2G/3G ва 2G/3G/4G ба истифода дода шуданд.
Дар маркази вилояти Суғд – шаҳри Хуҷанд, 14 истгоҳи базавӣ то ба стандарти 4G такмил дода шуданд ва ин ба сокинони шаҳр имкон медиҳад, ки Интернети баландсуръати мобилиро аз Tcell бо фарогирӣ ва кайфияти бештар истифода баранд.
Бо шарофати таҷдиду такмили шабака, дар баъзе маҳаллаҳои аҳолинишин барои нахустин бор алоқаи мобилии стандарти 3G рӯйи кор омад, ки сокинон ба ин васила имкониятҳои нави истифода аз Интернетро пайдо намуданд. Ҳамин тариқ, алоқаи 3G дар 9 нуқтаи аҳолинишини ноҳияи Айнӣ ва дар 17 нуқтаи аҳолинишини Панҷакент, Шаҳристон ва Спитамен ба истифода дода шуд.
Ширкат сиёсати бузургмиқёси таҷдиду такмили техникии шабака ва пешниҳоди тарофаҳои муфиду хизматрасониҳоро барои муштариён идома медиҳад. Масалан, тарофаи нақшавии "Даркори нав" бастаҳои калони трафики Интернет барои корбарони фаъоли шабакаро доро мебошад. Тафсилоти бештар: https://www.tcell.tj/new-tariffs/new-darkor.php
Ширкати Tcell, ки дар ростои пешниҳоди роҳҳалҳои навоварона дар Тоҷикистон мақоми пешоҳангро дорад, дар тамоми қаламрави кишвар шабакаи худро рушд ва такмил медиҳад. Дар ҳоли ҳозир, ширкати Tcell- бузургтарин оператори бозори мухобироти кишвар, яке аз васеътарин манотиқи пӯшиши шабакаи 4G-ро соҳиб аст.
___________________
Tcell – бузургтарин ширкати мухобиротӣ дар Тоҷикистон аст, ки саҳмдори ягонаи он Хазинаи Оғохон оид ба рушди иқтисодӣ (AKFED) мебошад. AKFED – Агентии рушди байналмилалии пешбурди соҳибкорӣ ва таъсиси корхонаҳои аз ҷиҳати иқтисодӣ қобил. AKFED яке аз оҷонсиҳои системаи AKDN аст, ки барои беҳтар намудани имкониятҳо ва шароити зиндагии мардумони кишварҳои рӯ ба рушд тарҳрезӣ шудаааст.
Оҷонсии AKDN барои некӯаҳволии ҳамаи шаҳрвандон, сарфи назар аз миллат, ҷинс ва ё дин фаъолият мекунад. Ҳадафи оҷонсии AKDN мусоидат ба рушди иқтисоди фаъол, сиёсӣ устувор, гуногунандешӣ ва фарҳангӣ таҳаммулпазирӣ дар Тоҷикистон аст.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
