Дар Тоҷикистон барномаи давлатии "Муҳити дастрас" барои солҳои 2021-2025 тарҳрезӣ шудааст. Ин барнома, интизор меравад зиндагии нафарони дорои маъюбият, аз ҷумла онҳоеро, ки тариқи аробачаи маъюбӣ ҳаракат мекунанд, осон кунад.
Аз сар гирифтани ин барнома дар ҳолест, ки ҳанӯз соли 2012 қонунгузории Тоҷикистон нақшакашӣ ва сохтмони манзилҳои истиқоматӣ, нуқтаҳои хидматрасониву фароғат ва дигар объектҳои иҷтимоиро бе дарназардошти фароҳамсозии имконият барои маълулон, манъ кардааст. Барои нақзи ин қоидаҳо ширкати сохтмонӣ бояд ба ҷавобгарӣ кашида шавад.
Вале дар асл аксари биноҳои нав, ҳатто дар ҳудуди пойтахт барои нафарони дорои маъюбият лифт ва ё гузаргоҳу баромадгоҳи махсус надоранд. Беш аз ин, аксари муассисаву идораҳои давлатӣ барои вуруд ва истифодаи нафари эҳтиёҷи махсусдошта созгор нестанд.
Барои ошкор кардани нуқси роҳу гузаргоҳҳо ва то кадом андоза созгор будани зерсохтҳои шаҳр барои маълулон, таҳиягарони як лоиҳаи вижа нафарони ҷамъиятиро ба ҷойи маълулон қарор дода, таассуроти онҳоро сабт кардаанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
