Дар соли 2022 ба оилаҳои камбизоати кишвар 116,1 млн сомонӣ кумакпулии унвонии иҷтимоӣ расонида шудааст, ки ин нисбат ба соли 2021-ум 11 млн сомонӣ зиёд мсебошад. Дар ин бора Соима Муҳаббатова, як масъули Вазорати тандурустӣ ва ҳифзи иҷтимоӣ дар маҳфили "Тавозун", ки ТҶ “Хома” баргузор кард, хабар дод.
Ба гуфтаи Соима Муҳаббатова, кумакпулиҳо ба оилаҳои камбизоат сол ба сол афзоиш меёбад.
"Дар давоми соли 2023-ум 154,2 млн сомонӣ кӯмакпулӣ ба оилаҳои камбизоат пешбинӣ шудааст", – гуфт Муҳаббатова.
Ба таъкиди номбурда, дар соли 2024-ум 279,8 млн ва дар соли 2025-ум 291,9 млн сомонӣ ба оилаҳои камбизоат кӯмакпулӣ ба нақша гирифта шудааст.
Ин масъули Вазорати тандурустӣ ва ҳифзи иҷтимоӣ гуфт, ин кумакҳо барои кам кардани сатҳи камбизоатӣ дар Тоҷикистон роҳандозӣ шудааст.
Бояд гуфт, ки айни замон дар кишвар беш аз 220 ҳазор оилаҳои камбизоат ба қайд гирифта шудаанд.
Тибқи иттилои расмӣ, давоми панҷ соли охир сатҳи камбизоатӣ дар Тоҷикистон аз 25,5 ба 22,5 дарсад поин омадааст.
