Имрӯз, 22-уми май, Эмомалӣ Раҳмон, президенти Тоҷикистон барои иштирок дар маросими видоъ ва изҳори таъзия бинобар даргузашти фоҷеавии Иброҳим Раисӣ, раиси ҷумҳури Эрон ба шаҳри Теҳрон сафар кард.
Якҷо бо президент, Сироҷиддин Муҳриддин, вазири корҳои хориҷии Тоҷикистон, Аъзамшо Шарифӣ, ёдрамчии президенти Тоҷикистон оид ба масъалаҳои робитаҳои хориҷӣ ва дигар шахсони расмӣ ба Эрон рафтанд.
Айни ҳол дар саросари Эрон мотами миллӣ эълон шуда, панҷ рӯз давом мекунад. Аз дирӯз ин ҷониб, дар саросари кишвар маросими видоъ бо Иброҳим Раисӣ баргузор мегардад. Дар назар аст, ки раиси ҷумҳури ҳалокшуда пагоҳ ба хок супорида шавад.
Ёдовар мешавем, ки Иброҳим Раисӣ, раиси ҷумҳури ҳаштуми Эрон 19-уми май дар як сонеҳаи чархбол ҳамроҳ бо Ҳусейн Амир Абдуллоҳиён, вазири корҳои хориҷии ин кишвар ва ҳайати ҳамроҳаш ба ҳалокат расид.
