Душанбе. 16-уми феврал. ОИ «Азия-Плюс» – Дар чаҳорчӯбаи Созишномаи Норвегия оид ба рушди муколамаи иҷтимоӣ ва Барномаи байнулмилалии аз байн бурдани шаклҳои бадтарини истифодаи меҳнати кӯдакон дар Осиёи Марказӣ дар шаҳри Душанбе тренинги серӯза баргузор мешавад.

           

Тавре ҳамоҳангсози барнома дар Тоҷикистон Муҳайё Хосабекова ба ОИ «Азия-Плюс» хабар дод, тренинги мазкур ба дастгирии муколамаи иҷтимоӣ тавссути пешниҳод сохтани омӯзиш барои фермерон ва кормандони иттифоқҳои касаба, ки дар барҳамсозии меҳнати кӯдакон дар хоҷагиҳои пахтакорӣ ва маҳалҳо нақши муҳим мебозанд, равона гардидааст.

           

Ба гуфтаи М.Хосабекова, дар ҷараёни баргузории тренинг иштирокдорон инчунин бо дастурҳои таҳиянамудаи барнома оид ба барҳам додани истифодаи меҳнати кӯдакон дар бахши кишоварзӣ ошно хоҳанд гашт.

           



Душанбе. 26-уми феврал – Рӯз ҷумъаи 13 феврал дар шаҳри Тошканд, пойтахти Ӯзбакистон, нишасти кишварҳои узви шӯрои энержии системи муштараки энержии Осиёи Марказӣ баргузор шуд.

Ҳарчанд




масъулони




давлатии




Тоҷикистон




дар




мавриди




ҷузъиёти




ин




нишаст




иттилоъе




пахш




накардаанд


,


аммо




расонаҳои




минтақайӣ




гузориш




доданд


,


ки




вазъи




бӯҳронӣ




дар




арсаи




энержии




Тоҷикистон




дар




дастури




кори




ин




нишаст




қарор




доштааст


.

Нигаронии




кишварҳои




минтақа




ин




аст


,


ки




бӯҳрони




энержии




Тоҷикистон




метавонад




ба




ҳамоҳангии




истифода




аз




шабакаи




муштараки




энержии




Осиёи




Марказӣ




латма




ворид




кунад


.

Мақомоти




Қирғизистон




ба




хабарнигорон




гуфтаанд


,


пешбинӣ




шудааст


,


ки




захираи




об




дар




обанбори




Норак




то




авосити




моҳи




ҷорӣ




ба




пойинтарин




нуқта




расида




ва




вазъи




таъмини




энержи




дар




Тоҷикистон




вахимтар




шавад


.


Дар ин бораи сомонаи форси ВВС хабар медиҳад.

Душанбе. 16-уми феврал. ОИ «Азия-Плюс» – Ӯзбекистон иштироки худро дар сохтмони нерӯгоҳҳои бузург дар кишварҳои ҳамсоя, аз ҷумла Тоҷикистон аз эҳтимол дур намедонад.

Тавре аз сафорати Ӯзбекистон дар ҷумҳурӣ ба ОИ «Азия-Плюс» хабар доданд, рӯзи 13-феврал зимни ҷаласаи ҳукумати Ӯзбекистон президенти ин кишвар Ислом Каримов ба ин нукта ишора карда, гуфтааст, дар сурати натиҷаҳои мусбати ташхиси байнулмилалӣ оид ба истифодаи захоири обӣ ва таъсири он ба муҳити зист, Ӯзбекситон омода аст, дар тарҳҳои бузурги гидроэнергетикӣ дар минтақа саҳм гузорад.

Тибқи маълумоти намояндагии дипломатӣ, И.Каримов зикр намудааст, ки бунёди нерӯгоҳҳои бузурги барқиву обӣ ҳақи ҳар як кишвар аст, вале ин ҷо зарур аст мушкилоти норасоиву обу экологияро, ки бар асари сохтмон дар кишварҳои поёноб ба вуҷуд меоянд, низ бояд ба эътибор гирифт.

           

Душанбе. 16-уми феврал. ОИ «Азия-Плюс» – Хабргузории ИТАР-ТАСС бо истинод ба сарфармондеҳи нерӯҳои низомии ҳавоии Русия генерал-полковник Александр Зелин иттилоъ медиҳад, ки ба низоми муттаҳидаи нерӯҳои дифои ҳавоии кишварҳои узви ИДМ муяссар гаштааст, чунин нерӯҳоро дар давлатҳои Тоҷикистон, Арманистон ва Қирғизистон аз нав эҳё созад.

           

Ба гуфтаи оқои Зелин, кишварҳои узви иттиҳод аллакай ба таъсиси нерӯҳои минтақавии ҳамгиройӣ дар се самт – Шарқиву аврупоӣ, Қафқоз ва Осиёи Марказӣ шурӯъ намудаанд. «Созишномаи дифоъи муштараки марзи ҳавоӣ миёни Давлати иттифоқӣ байни Русияву Белоруссия барои тасвиб омода мегардад ва лоиҳаҳои созишномавӣ бо дигар минтақаҳо низ айни замон дар ҳоли таҳия мебошанд», – гуфтааст ӯ.

           

Зелин гуфтааст, таҷриба нишон додааст, ки маҳдудсозии фазои назоратии нерӯҳои навбатдор дар ин самт имконоти чунин нерӯҳоро ба таври назаррас заъиф месозад ва муттаҳидсозиву ҳамгиройии низомҳои миллии дифои ҳавоӣ дар минтақаҳои амнияти дастаҷамъӣ талаби давру замон аст.

Душанбе. 16-уми феврал. ОИ «Азия-Плюс» – Дар давоми ҳафтаи сипаригашта муовини нахуствазири ҷумҳурӣ Руқия Қурбонова ва вазири маорифи кишвар Абдуҷҷаббор Раҳмонов аз як қатор муассисаҳои таълимии пойтахт ва ноҳияҳои тобьеи марказ боздид намуданд.

Тавре сухангӯи вазорати маорифи ҷумҳурӣ Ноилшо Нуралиев ба ОИ «Азия-Плюс» хабар дод, ҳайати намояндагонро дониши толибилмони синфҳои 8-11 дар литсейи президентӣ аз рӯи фанҳои гуманитарӣ ва математика қаноатманд насохта, ба мақомоти раҳбарии литсей супориш дода шуд, ки нақшаи чорабиниҳоро таҳия сохта, иҷрои онро таҳти назорати қатъӣ қарор диҳанд ва оид ба натиҷаҳои он ба вазорат ҳисобот пешниҳод намоянд.

Муовини сарвазир ва вазири маорифро сатҳи дониши хонандагон дар литсейҳои тоҷикиву туркӣ ва мактаби байнулмилалӣ низ қонеъ нагардонид. Ба гуфтаи Н.Нуралиев, сарфи назар аз муҳайё сохтани тамоми шароит сатҳи дониши толибилмон беҳбуд мехоҳад. «Гузашта аз ин, вазир ба намояндаи вазорат А.Алиев, ки ба фаъолияти литсейҳои тоҷикиву туркӣ масъул аст, танбеҳ эълон намуд ва қарор шуд, аз 2 то 5-уми майи соли равон санҷиши такрорӣ гузаронида шавад», – гуфт сухангӯи вазорат.

Ғайр аз ин, дар ҷараёни боздиди мазкур як қатор директорони макотиби ноҳияи Рӯдакӣ муҷозот шуданд. «Бо қарори вазири маориф директори мактаби таҳсилоти умумии рақами 42-и ҷамоати Роҳатӣ дар робита ба риоя накардани талаботи қарори вазорати маориф оид ба баргузории чорабинии «Хатми Алифбо» аз мансаб сабукдӯш гардида, бо ҳамин ҷурм директори мактаби рақами 108 огоҳӣ гирифт», – афзуд Н.Нуралиев.

           

Душанбе. 16-уми феврал. ОИ «Азия-Плюс» – Рӯзи ҷумъаи ҳафтаи гузашта дар Донишгоҳи давлатии омӯзгории ба номи С.Айнӣ маросими супурдани гувоҳномаҳо ба хатмкунандагони курсҳои думоҳаи омӯзиши забони русӣ тибқи лоиҳаи «Мусоидат ба муҳоҷирати меҳнатии пурсамар ва бехатар» баргузор шуд. Лоиҳа аз ҷониби Иттиҳодияи ҷамъиятии «Маркази маърифатии «Мултикид» бо дастгирии молиявии Фонди Авруосиё дар Осиёи Марказӣ амалӣ карда мешавад.

           

Тавре аз иттиҳодияи «Мултикид» ба ОИ «Азия-Плюс» хабар доданд, 130 нафар сокини шаҳри Душанбе ва ноҳияҳои тобеи марказ дар курсҳои забни русӣ таълим гирифта, ҳамчунин бо асноди меъёрӣ-ҳуқуқии марбут ба муҳоҷират огоҳӣ пайдо намуданд.

           

Ба иттилои манбаъ, дар ҷараёни амалисозии лоиҳа, ки чор моҳи минбаъда низ идома хоҳад ёфт, беш аз 200 нафар имкон доранд, дар курсҳо забони русиро омӯзанд ва оид ба муҳоҷирати қонунӣ маълумоти зарурӣ ба даст оранд.

           

Душанбе. 14-уми феврал. ОИ «Азия-Плюс» – Зимни нишасти матбуотӣ сарвари иҷроияи Ассотсиатсияи соҳибкории хурду миёнаи Тоҷикистон Михаил Петрушков изҳор дошт, татбиқи Лоиҳаи «Маркази ягонаи коммуникатсионӣ», ки Вазорати нақлиёт ва коммуникатсияи ҷумҳурӣ такроран пешниҳод менамояд, масъалаи озодии баёнро дар кишвар зери суол қарор медиҳад.

           

Ба гуфтаи ӯ, ин маънои онро дорад, ки фаъолияти соҳаи алоқа комилан таҳти назорат гирифта хоҳад шуд ва «дар ин сурат чӣ гуна метавон дар бораи оздии баён сухан гуфт?» «Гап сари он аст, ки феълан оператори миллии алоқаи ҶСК «Тоҷиктелеком», ки дар заминаи он таъсиси чунин марказ пешбинӣ шудааст, дар бозори алоқа мавқеи худро торафт аз даст медиҳад ва дар сурати ба як марказ муттаҳид гаштани операторон, он дар соҳаи алоқа барои дигарон рақобатнопазир хоҳад гашт», – гуфт ӯ.

           

Оқои Петрушков мегӯяд, мақомоти раҳбарии ҷумҳурӣ чанде қабл маъракаи «200 рӯзи ислоҳот»-ро эълом дошт ва бархе аз мансабдорон таҳти иҷрои он лоиҳаҳои бесамарро «пиёда сохтанианд».

           

Дар ҳамин ҳол, роҳбари Ассостсиатсияи операторони алоқаи мобилии Тоҷикистон Ғафур Иркаев мегӯяд, бар асари бӯҳрони молӣ дар бахши хизматрасонии алоқа болоравии тарофаҳо ба назар мерасад, ки он ба сатҳи некӯаҳволии мардум таъсири манфӣ мерасонад ва операторони алоқаи мобилӣ тарофаҳои худро тағйир доданӣ ҳам нестанд. «Дар сурати амалисозии лоиҳаи «Маркази ягонаи коммуникатсионӣ вазъ метавонад ба куллӣ тағйир ёбад», – гуфт ӯ.