Хабарнигори ҳафтаномаи СССР дар вилояти Хатлон Баҳодур Уроқов, бар асари бемории ҷигар, дирӯз, 11-уми декабр, аз олам чашм пӯшид.
Баҳодур Уроқови 41-сола солҳои зиёд ба ҳайси хабарнигори ҳафтаномаи СССР дар вилояти Хатлон фаъолият дошт.
Ӯ тайи як моҳи охир аз бемории ҷигар ранҷ мекашид ва дар беморхонаи вилоятии ба номи “Бӯри Воҳидов” дар шаҳри Бохтар бистарӣ буд.
Баҳодур Уроқов имрӯз, 12-уми декабр, дар зодгоҳаш, шуъбаи 4-и хоҷагии Файзалӣ Саидови ноҳияи Кӯшониён, ба хок супорида шуд.
Ҳайати кормандони гурӯҳи расонаҳои «Азия-Плюс» ба наздикону пайвандони марҳум – ҳамскасбамон Баҳодур Уроқов ҳамдардии амиқ изҳор дошта, ба онҳо аз даргоҳи Худованд сабри ҷамил металабанд!
