Раиси Ҳизби коммунисти Тоҷикистон Шодӣ Шабдолов бар ин назар аст, ки пас аз интихоботи парлумонии 1 март, ки дар палатаи поёнии парлумон дигар барои президент умуман ҳеҷ рақибе боқӣ намонд, ӯ масъулияти ояндаи кишварро пурра ба дӯши худ гирифт.
«Президент ба ҳама нишон дод, ки масъулият барои тақдири кишвар, мардуми онро бо касе тақсим карданӣ нест ва танҳо вақт довар хоҳад буд, ки то кадом андоза ӯ аз уҳдаи иҷрои ин масъулият мебарояд”» – изҳор дошт дар мусоҳиба ба «Азия-Плюс раиси ҲКТ.
Дар робита ба таъини писари президент Рустами Эмомалӣ ба мансаби роҳбари Агентии зиддифасод, Шабдолов қайд кард, ки Конститутсия ба президент таъини хешону наздиконаш ба мансабҳои баланди давлатиро манъ накардааст. «Лекин то кадом дараҷа асосноку мувофиқи мақсад будани чунин таъинотро бояд худи президент андеша кунад», – илова намуд Шабдолов.
