Дар ҷаласаи навбатии имрӯзаи Шӯрои Маҷлиси намояндагони Маҷлиси Олии ҶТ масъалаи ворид намудани тағйироту илова ба Қонуни ҶТ «Дар бораи муқовимат бо вируси норасоии масунияти одам (ВНМО, ВИЧ) ва бемории пайдошудаи норасоии масуният (БПНМ, СПИД)» баррасӣ шуд.
Тавре ба ОИ «Азия-Плюс» котиби матбуотии палатаи поёнии парлумони ҷумҳурӣ Муҳаммадато Султонов хабар дод, дар ҷаласаи Шӯро ҳамчунин рӯзномаи иҷлосияи ғайринавбатии муштараки ҳарду палатаи парлумон, ки бо фармони президент санаи 16-уми декабр даъват шудааст, низ мавриди баррасӣ қарор гирифт.
«Дар иҷлосияи ғайринавбатии муштараки ҳарду палатаи парлумон фармонҳои президенти кишвар дар бораи аз вазифаҳо озод кардану таъинот ба мансабҳои давлатӣ ҷиҳати тасдиқ пешниҳод мегарданд», – гуфт Султонов.
