Рӯзи 11-уми декабри соли равон муовини аввали вазири корҳои хориҷии Ҷумҳурии Тоҷикистон Маҳмудҷон Собиров Раиси Шӯрои сармоягузорони Покистон Муҳаммад Зубайрро ба ҳузур пазируфт.
Бино ба иттилои Вазорати корҳои хориҷии ҷумҳурӣ, дар мулоқот масъалаҳои густариши ҳамкорӣ байни Ҷумҳурии Тоҷикистон ва Ҷумҳурии Исломии Покистон дар соҳаҳои иқтисод, ҷалби сармоя ва тиҷорат баррасӣ шуданд.
Гуфта мешавад, хусусан ҷонибҳо афзоиши устувори гардиши савдои байни ду кишварро дар солҳои охир қайд намуданд. Ҳамчунин масоили татбиқи лоиҳаҳои минтақавӣ ва густариши ҳамкорӣ дар соҳаи ҷалби сармоягузорӣ муҳокима гардид.
