Душанбе. 13-уми август. ОИ «Азия-Плюс» – Субҳи имрӯз дар ду маҳаллаи аҳолинишини шаҳри Кӯлоб намоиш ва фурӯши маҳсулоти кишоварзони ноҳияи Қубодиён шурӯъ шуд.
Раиси ҷамоати Навободи ноҳияи Қубодиён Қосим Ҷебов ба мухбири ОИ «Азия-Плюс» хабар дод, ки кишоварзони ноҳия ба шаҳри Кӯлоб беш аз 70 тонна маҳсулоти кишоварзӣ ва 40 сар чорвои майда оварданд.
Ба гуфтаи ӯ, маҳсулот бо нархи нисбатан арзон ва хоҳишнамудаи сокинони маҳаллаҳо фурӯхта мешавад. «Пас аз огоҳӣ бо нархҳои бозорҳои шаҳр мо нархи маҳсулоти худро 60 фоиз арзонтар кардем», – гуфт К.Ҷебов. Барои намуна, агар дар бозорҳои шаҳри Кӯлоб арзиши як кило сабзӣ се сомонӣ муқаррар шуда бошад, дар намоишгоҳ онро бо арзиши 1 сомонӣ харидан мумкин буд. Тарбуз ҳам бо чунин нарх фурӯхта мешуд.
