Моҳи январи соли равон ба Тоҷикистон ба маблағи беш аз 3,6 млн. $ кӯмаки башардӯстона ворид гардид.
Бино ба маълумоти Агентии омори назди президенти ҷумҳурӣ, ин кӯмак бо вазни умумии қариб 3 ҳазор тонна аз ҷониби 14 кишвар расонида шудааст.
Ба иттилои манбаъ, дар байни кишварҳои мададрасон вазни нисбатан хос аз рӯи арзиш ба Русия – 41,8%, ИМА – 27%, Олмон – 8,3%, Нидерланд – 7,6%, Эстония – 5,7%, Чин – 4%, Эрон – 2,6, Корея – 2,2%, Ҳиндустон – 0,4% ва АМА – 0,3% ва ғайра рост меояд.
Ёдрас мекунем, ки тӯли солҳои зиёд Иёлоти Муттахидаи Амрико кишвари асосии мададрасон ба Тоҷикистон маҳсуб меёбад.
