Пас аз
сафар ба Маскав
вазири корҳои хориҷии Ҷумҳурии Тоҷикистон Сироҷидин Аслов озими Иёлоти Муттаҳидаи Амрико шуд. Ин сафар то 14 март идома хоҳад ёфт.
Бино ба иттилои Вазорати корҳои хориҷии ҷумҳурӣ, дар доираи сафари мазкур вазири корҳои хориҷии Тоҷикистон Сироҷидин Аслов дар чорабинии махсус бахшида ба натиҷаҳои “Соли байналмилалии ҳамкорӣ дар соҳаи об”, ки дар шаҳри Ню-Йорки ИМА баргузор мегардад, иштирок хоҳад намуд. Инчунин зимни сафар як қатор мулоқотҳои дуҷониба пешбинӣ шудааст.
Тибқи маълумоти Вазорати энергетика ва захираҳои оби ҶТ, дар ин сафар Сирҷиддин Асловро муовини аввали вазири энергетика ва захираҳои оби ҷумҳурӣ Султон Раҳимов ҳамроҳӣ мекунад.
