Рӯзи 2-юми июни соли 2014 дар Вазорати корҳои хориҷии Ҷумҳурии Тоҷикистон мулоқот миёни ҳайати Тоҷикистон бо иштироки Вазири корҳои хориҷии Ҷумҳурии Тоҷикистон Сироҷидин Аслов ва Муовини якуми вазири корҳои хориҷӣ Раҳмон Озода Эмомалӣ бо ҳайати Иёлоти Муттаҳидаи Амрико зери роҳбарии Ёвари котиби давлатии ИМА оид ба масоили Осиёи Ҷанубӣ ва Марказӣ хонум Ниша Бисвал баргузор гардид.
Бино ба иттилои сомонаи расми Вазорати корҳои хориҷии Тоҷикистон, дар рафти вохӯрӣ роҷеъ ба омодагӣ ба Машваратҳои дуҷонибаи солона миёни Ҷумҳурии Тоҷикистон ва ИМА, доир ба ҳамкориҳои дуҷониба, масъалаҳои минтақавӣ ва инчунин мавзӯҳои мавриди таваҷҷуҳи тарафайн мубодилаи афкор сурат гирифт.
Ёдрас мекунем, ки хонум Ниша Бисвал ҳайати Иёлоти Муттаҳидаи Амрико дар иҷлосияи сеюми дуҷонибаи солона бо Тоҷикистонро, ки рӯзҳои 2-3-юми июн дар Душанбе доир мегардад, роҳбарӣ мекунад.
