Рӯзҳои 17-18-уми июн нахуствазири Покистон Навоз Шариф бо сафари расмӣ ба Тоҷикистон ташриф меорад. Дар ин бора Вазорати корҳои хориҷии ҷумҳурӣ хабар медиҳад.
Дар ҷараёни сафари нахутсвазири Покистн дидору гуфтушуниди ӯ бо президенти мамлакат Эмомалӣ Раҳмон ва дигар шахсони расмӣ дар назар аст.
Бино ба маълумти Вазорати корҳои хориҷии ҷумҳурӣ, 6 июни соли 1992 байни Ҷумҳурии Тоҷикистон ва Ҷумҳурии Исломии Покистон муносибатҳои дипломатӣ барқарор шуданд. Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон: Амҷад Ҳуссейн Сиял аз 21 июни соли 2012. Сафири Фавқулода ва Мухтори Ҷумҳурии Исломии Покистон дар Ҷумҳурии Тоҷикистон: Ҷононов Шералӣ Сайдамирович аз 6 январи соли 2013. Соли 1993 Ҷумҳурии Исломии Покистон дар Ҷумҳурии Тоҷикистон Сафорати худро боз намуд ва фаъолияти он аз ибтидои соли 1994 шурӯъ гардид. 23 феврали соли 2005 Сафорати Ҷумҳурии Тоҷикистон дар Ҷумҳурии Исломии Покистон ба фаъолият шурӯъ намуд.
Дар давоми 21 соли муносибатҳои дипломатии байни ду кишвар тақрибан 40 ширкатҳои хусусии покистонӣ ва соҳибкорони инфиродии покистонӣ дар Ҷумҳурии Тоҷикистон фаъолият менамоянд. Дар ин давра байни ду кишвари дӯст зиёда аз 30 санадҳои меъёрӣ-ҳуқуқӣ ба имзо расиданд.
Дар соли 2011 гардиши мол байни ду кишвар 14 млн. 850,1 ҳазор долл. ИМА ва дар соли 2012 бошад, ба 78 млн 814,8 ҳазор доллар расид, ки аз он содирот 26 млн. 498,5 ҳазор доллар ва воридот 52 млн. 316,3 ҳазор долларро ва нисбати 8 моҳаи соли 2012 бошад, ба 28 млн. 228,3 ҳазор доллар расид, ки аз он содирот 15 млн.4000 ҳазор доллар ва воридот 28 млн.228,3 ҳазор долларо ташкил дод.
