Шабакаҳои давлатии телевизион гузориш дар бораи рӯйдодҳо дар марзи Қирғизистону Тоҷикистон, дар ҷамоати Ворухи шаҳри Исфараро пас аз анҷоми гуфтушунидҳо намоиш медиҳанд.
Зимни нишасти хабарии имрӯза раиси Кумитаи телевизион ва радиои назди ҳукумати ҶТ Асадулло Раҳмон дар ин робита зикр намуд, ки сиёсати асосии шабакаҳои давлатии телевизиони Тоҷикистон дар он ифода меёбад, ки «ба ҷараёни гуфтушуниди ҷонибҳо, ки бе ин ҳам душвор аст, таъсири манфӣ расонида нашавад».
«Мо кӯшиш ба харҷ медиҳем, ки танҳо чорабиниҳои фарҳангии мардуми тоҷику қиргизро манзури тамошобинон гардонем, ки то ки вазъ бад нашавад. Аз рӯи натиҷаҳои гуфтушуниди ҷонибҳо як маводи телевизионӣ таҳияи карданием», – гуфт Раҳмон.
Ба гуфтаи ӯ, дар Исфара хабарнигорони шабакаҳои давлатии телевизион фаъолият доранд, аммо ин рӯйдодҳо ногаҳон ба вуқӯъ пайваста, онҳо дар бораи ин ҳодисаҳо саривақт хабар дода натавонистанд.
Дар робита ба гузриши телевизионӣ оид ба олими боздоштшуда Александр Содиқов номбурда зикр кард, ки ин мавод аз ҷониби хадамоти махсуси ҷумҳурӣ омода гардида буд. «Шабакаи телевизионӣ давлатӣ бо намоиш додани он ба қонуншикании ҳеҷ яке аз меъёрҳои журналистӣ роҳ надодааст, зеро касе ҷосусии ӯро тасдиқ ё вайро ба он гунаҳкор накардааст, – иброз дошт ӯ. – Агар гуноҳи Александр собит гардад, мо бори дигар ин гузоришро дар шабакаҳои давлатӣ намоиш медиҳем».
