Мусобиқаи кушоди Осиё оид ба дзюдо, ки санаи 28-уми июл дар шаҳри Тайпей (Тайван) ба итмом расид, барои гӯштигирони тоҷик муваффақона анҷом пазируфт.
Дар нахустин мусобиқаи олимпии рейтингӣ Фарҳод Раҳимов дар вазни 81 кило ва Комроншо Устопириён дар вазни 90 кило таҳти раҳбарии мураббии шоистаи Русия ва Тоҷикистон Владимир Елчанигнов медалҳои нуқра ба даст оварданд.
Фарҳод Раҳимов дар қувваозмоиҳо бо варзишгари мизбони мусобиқа, гӯштигирони Тайиланд ва Чин ғолиб омада, дар қувваозмоии ниҳоӣ аз гӯштигирм Кореяи ҷанубӣ шикаст хӯрд. Комроншоҳ Устопириён бар ду гӯштигири Кореяи Ҷанубӣ дастболо шуда, қувваозмоии ниҳоиро ба дзюдочии ботаҷрибаи Русия бохт.
Ҳамин тариқ, ду дзюдочии тоҷик ба мусобиқаи ба даст овардани имтиёзҳои олимпӣ ворид гардида, ҳар кадоме 60 имтиёзӣ касб намуданд.
