Дар ҷаласаи Кумитаи иҷроияи Кумитаи миллии олимпӣ (КМО)-и Тоҷикистон рӯйхати номзадҳо барои гирифтани стипендияи олимпӣ тасдиқ карда шуд.
Бино ба маълумоти хадамоти матбуоти КМО Тоҷикистон, ба ин рӯйхат ҷиҳати омодагӣ ва иштирок дар мусобиқаҳои олимпӣ барои дарёфти иҷозатнома 20 варзишгари муваффақи ҷумҳурӣ шомил гардида, барои дарёфти роҳхат ба Бозиҳои XXXI-уми тобистонаи олимпии соли 2016 дар Рио-Де-Жанейро (Бразилия) талош меварзанд.
Ба иттилои манбаъ, ба ин рӯйхат Мавзуна Чориева, Анвар Юнусов, Наврӯз Ҷафоев, Шаҳриёр Аҳмедов (бокс); Дилшод Назаров (варзиши сабук); Искандлар Рустам, Фарҳод Усмонзода, Манучеҳр Аллаев, Хусрав Облобердиев, Муродҷон Тӯйчиев, Залимхон Юсупов, Баҳодур Қодиров, Сомиршо Воҳидов (гӯштии варзишӣ); Муҳаммадмурод Абдураҳмонов, Фарҳод Раҳимов, Комроншох Устопириён, Расул Абдушарифов (дзюдо) ва Алишер Гулов, Фарҳод Неъматов, Моҳрӯ Ҳалимова (таэкондо ВТФ) дохил шуданд.
Гуфта мешавад, рӯйхати номзадҳо барои дарёфти стипендияи олимпиро КМО Тоҷикистон ба Кумитаи байнулмилалии олимпӣ ирсол намуда, пас аз маъқул шуморида шудани он, варзишгарони зикршуда аз 1-уми сентябри соли 2014 бо стипендияҳои олимпӣ таъмин карда мешаванд.
