Бо ибтикори Кумитаи ҷавонон, варзиш ва сайёҳии назди ҳукумати ҶТ дар Боғи ба номи Абӯабдуллоҳи Рудакии пойтахт аксияи «Биёед китоб мехонем» доир гардида, дар ҷараёни он беш аз 1000 нусха асарҳои бадеӣ миёни ҷавонон тақсим карда шуд.
Роҳбари маркази таҳлили Кумитаи мазкур Ҷалолиддин Нуров ба журналистон дар ин робита изҳор намуд, ки ин иқдом ба хотири тарғиби китобхонӣ миёни ҷавонон ва ноболиғон пеш гирифта шудааст.
«Мутолиаи китоб ба шахс донишу ғизои маънавӣ дода, ӯро дар рӯҳияи таҳаммулпазирӣ тарбия мекунад, вале имрӯз дар робита бо рушди технологияҳои иттилоотӣ, таваҷҷуҳи ҷавонон ба китобхонӣ коҳиш ёфтааст, ки метавонад ба дастнорасии як қисмати ҷомеа ба дониш боис гардад», – иброз дошт ӯ.
Раиси Куммтаи ҷавонон, варзиш ва сайёҳии назди ҳукумати ҶТ Рустам Абдуллозода дар навбати худ зикр кард, ки хоҳишмандони китобҳоро метавонанд ба шуъбаҳои кумитаи ҷавонон дар маҳалҳо супоранд ва китобҳои ҷамъоваришуда ба китобхонаҳои ноҳияҳои дурдаст, муассисаҳои ислоҳӣ ва қисмҳои низомии кишвар фиристода мешаванд.
