Дар доираи амалиёти “Кӯкнор-2014” кормандони Раёсати Агентии назорати маводи нашъаовари назди Президенти ҶТ дар ВМКБ зиёда аз 22 кг маводи нашъаовар мусодира намуданд.
Бино ба иттилои шуъбаи робита бо ҷомеаи Агентӣ, дар наздикии деҳаи Дашти ноҳияи Ишкошими ВМКБ дар гумони даст доштан дар қочоқи маводи нашъаовар сокини 20-солаи маҳаллӣ боздошт гардид. Дар натиҷаи кофтукови шахсӣ аз ӯ ду халта бо 45 адад маводи китобшакл бо моддаи бӯи махсус дошта дарёфт ва мусодира гардид.
Гуфта мешавад, мутобиқи хулосаи экспертизаи судӣ моддаи дарёфтшуда навъи гашиш буда, вазни он 22 кг 190 граммро ташкил менамояд.
Зимнан зикр мегардад, ки аз рӯи ин ҳодиса парвандаи ҷиноӣ оғоз гардидааст. Тафтишот ҳоло муайян намуда истодааст, ки чӣ гуна маводи нашъаовар ба миқори калон дар дасти шаҳрванди Тоҷикистон пайдо шуд.
