Дар вилояти Суғд ҷинояти куштори корманди милиса, ки 11 сол қабл содир гардида буд, ошкор шуд.
Тавре ба «Азия-Плюс» аз Раёсати ВКД Тоҷикистон дар вилояти Суғд хабар доданд, чанде қабл зимни як амалиёти фаврӣ-ҷустуҷӯӣ ба гумони даст доштан дар куштори корманди милиса, сокини ҷамоати Кулканди ноҳияи Исфара Маҳмудҷон Акрамов сокини 37-солаи ҳамин ноҳия, қаблан маҳкумшуда бо моддаи 328, қ. 1 КҶ ҶТ (Истифодаи зӯроварӣ нисбат ба намояндаи ҳокимият) Ҳамид Исроилов боздошт шудааст.
Ба иттилои манбаъ, шаби 22-юми апрели соли 2003 боздоштшуда бо корманди милиса дар назди бинои 23/2-и кӯчаи Ленини шаҳри Исфара вохӯрда, ба ӯ бо корд ду зарба мезанад, ки дар натиҷа корманди милиса дар ҷойи ҳодиса ба ҳалокат мерасад. «Мақсади ба ин амал даст задани боздоштшуда алҳол маълум нест», – гуфт манбаъ.
Зимнан зикр гардид, ки аз рӯйи ин далел маводи ҷамъшуда ба парвандаи ҷиноии оғозшуда тибқи моддаи 104, қ. 1 (Одамкушӣ) аз 22-юми апрели соли 2003 илова шуда, тафтишот дар ин самт идома дорад.
