Хадамоти матбуоти ВКД Русия
иттилоъ медиҳад
, ки дар шаҳри Иркутск шаҳрванди 24-солаи таҳти пайгарди қонуни федералӣ қарордошта боздошт гардидааст.
Дар маълумот зикр мегардад, ки кормандони мақомоти пулис дар наклиёти шаҳри Иркутск дар ҳамдастӣ бо намоянагони Интерпол дар истгоҳи шаҳр шаҳрванди 24-солаи Тоҷикистонро боздошт намудаанд. Тибқи маълумоти пешакӣ, ин шаҳрванд муддати солҳои тӯлонӣ аз мақомоти ҳифзи ҳуқуқи кишвараш дар қаламрави Русия паноҳ мебурдааст.
«Дар ватанаш ӯ ба гумони даст доштан дар содир намудани ҷинояти марбут ба таҷовуз ба номус мавриди ҷустуҷӯ эълон шудаааст», – қайд мешавад дар маълумот.
Зимнан зикр мегардад, ки боздоштшуда ба ҳабс гирифта шуда, дар тавқифгоҳи муваққатии шаҳри Иркутск қарор дорад ва масъалаи истирдоди ӯ ба Тоҷикистон ҳаллу фасл мешавад.
