Санаи 18-уми ноябри соли равон вазири корҳои хориҷии Ҷумҳурии Тоҷикистон Сироҷидин Аслов президенти Бонки аврупоии таҷдид ва рушд (БАТР) Сума Чакрабартиро ба ҳузур пазируфт.
Бино ба иттилои Вазорати корҳои хориҷии ҷумҳурӣ, дар рафти суҳбат ҷонибҳо масъалаҳои рушди минбаъдаи ҳамкориҳои Тоҷикистону БАТР-ро муҳокима карданд.
Гуфта мешавад, аз ҷумла, таъкид гардидааст, ки дар солҳои фаъолияти БАТР дар Тоҷикистон байни Ҳукумат ва ин Бонк созишномаҳои мухталиф ба имзо расидаанд, ки ҳадафи онҳо татбиқи лоиҳаҳои муҳимми соҳаи иҷтимоию иқтисодӣ мебошад.
Зимнан зикр мегардад, ки ҷонибҳо омодагии худро ҷиҳати идомаи татбиқи лоиҳаҳои муштарак иброз намуданд.
