Мақомоти шаҳрдории Хуҷанд ба шахсони бесарпаноҳмонда, камбизоат ва ниёзманд ройгон ангишт тақдим кард.
Бино ба иттилои дафтари матбуоти раиси вилояти Суғд, бо супориши роҳбарияти шаҳри Хуҷанд ба 36 оилаи камбизоату бесарпаноҳмонда ва иштирокчиёни Ҷанги Бузурги Ватанӣ аз ҳисоби мақомоти иҷроияи ҳокимияти давлатии шаҳри Хуҷанд ангиштсанг харидорӣ карда шуда, ройгон тақсим гардид.
Гуфта мешавад, масъулини бахши ҳифзи иҷтимоии шаҳри Хуҷанд дар ҳамроҳӣ бо роҳбарияти кумитаи маҳаллаҳои шаҳр давоми ҳафта ба манзили ин оилаҳо сӯзишвориро дастрас намуданд.
Зимнан зикр мегардад, ки то имрӯз бо назардошти талаботи оилаҳои мазкур дар мавсими сардӣ зиёда аз 10 тонна ангишт тақсим карда шудааст.
