Пажуҳишгоҳи ҳуқуқи инсони Ассотсиатсияи байнулмилалии ҳуқуқшиносон (IBAHRI) дар робита ба ҳукми содиршуда нисбати адвокати тоҷик Шуҳрат Қудратов
нигаронӣ изҳор намуд.
Хелена Кеннеди, ҳамраиси IBAHRI бар ин назар аст, ки боздошту ҳабс, мурофиаи судӣ ва минбаъд содир шудани ҳукм нисбати Қудратов ба фаъолияти касбии ӯ, аз ҷумла ба ҳимояташ аз манфиатҳои соҳибкор Зайд Саидов марбут аст.
«Чунин амал ба усулҳои асосии СММ дар бораи нақши адвокатҳо мухолиф аст,ки дар он гуфта мешавад, «ҳукуматҳо бояд ба адвокатҳои имконотеро таъмин кунанд, ки онҳо бидуни тарсу ҳарос, монеъагузорӣ, ташвиш ва дахолати бемавқеъ уҳдадориҳои касбии худро ба иҷро расонанд» ва «ба адвокатҳо набояд ҳамсон ба мизоҷони онҳо ва парвандаҳои марбут ба иҷрои уҳдадориҳои касбии онҳо баҳо дода шавад», – қайд кардааст Х.Кеннеди.
Хелен Кеннеди хамчунин изхор намудааст, ки «таъмини мустақилияти касби ҳуқуқшиносӣ асоси волоияти қонун буда, ҳамчун усул дар сатҳи баландтарини байнулмилалӣ дарҷ ёфтааст ва бояд дастгирӣ шавад».
Дар маълумоти IBAHRI зикр мегардад, ки Суди олии Тоҷикистон санаи 23 феврал бояд шикояти апеллятсионии Шуҳрат Қудратовро қабул кунад. «Дар ин робита IBAHRI аз суди Тоҷикистон даъват мекунад, ки меъёрҳои байнулмилалии адолати судиро ба инобат бигирад», – омадааст дар маълумот.
