Нахуствазири Ҳиндустон Нарендра Моди шоми 12 июл бо сафари давлатӣ вориди Тоҷикистон шуд.
Тавре ба «Азия-Плюс» як манбаъ аз ҳукумати ҷумҳурӣ иттилоъ дод, дар Фурудгоҳи байнулмилалии Душанбе меҳмони олимақомро нахуствазири Тоҷикистон Қоҳир Расулзода ва дигар шахсони расмӣ истиқбол намуданд.
Зимни нахустин сафари давлатӣ ба Тоҷикистон Нарендра Моди имрӯз, 13 июл бо президенти Тоҷикистон Эмомалӣ Раҳмон дидору гуфтушунид мекунад. Дар гуфтушунидҳо вазъи кунунӣ ва дурнамои ҳамкориҳои дуҷониба баррасӣ шуда, баимзораисии як қатор созишномаҳо дар назар аст.
Зимни ин сафар Нарендра Моди ҳамчунин дар
маросими пардабардорӣ
аз нимпайкараи ҳамватани маъруфи худ – шоир, оҳангсоз, мусаввир, арбоби давлатӣ ва дорандаи ҷоизаи Нобел дар бахши адабиёт Робиндронатху Тхакуру (1861 – 1941) дар Душанбе низ ширкат меварзад.
