Котиби давлатии Вазорати корҳои хориҷии Муғулистон Дамба Ганхуяг бо сафари кории дурӯза имрӯз ба Душанбе меояд.
Бино ба маълумоти Вазорати корҳои хориҷии ҷумҳурӣ, ҳамчунин рӯзҳои 12-14 октябр сафари ҳайати Ҷумҳурии Австрия бо роҳбарии Дабири кулли Вазорати федералӣ оид ба Аврупо, ҳамгироӣ ва корҳои хориҷии Ҷумҳурии Австрия доктор Михаел Линҳарт ба Ҷумҳурии Тоҷикистон низ дар назар аст.
Гуфта мешавад, санаи 14 октябр барои иштирок дар Анҷумани байналмилалии соҳибкории Душанбе-2015 таҳти унвони «Саҳми соҳибкорӣ ва сармоягузорӣ барои рушди устувор» як қатор ҳайатҳои хориҷӣ ба Тоҷикистон ташриф меоранд.
