Дар вилояти Суғд нисбати сокини шаҳри Хуҷанд барои содир намудани ҷинояти таҷовуз ба номус ва қатли духтари 6-сола ҳукми ҳабси абад содир шуд.
Раиси ин мурофиаи додгоҳӣ, судяи суди вилояти Суғд Исмоил Раҳматзода ба «Азия-Плюс» дар ин робита иттилоъ дод, ки суд сокини 53-солаи шаҳри Хуҷанд Ю.К.-ро мутобиқи моддаҳои 139, қ. 4 ва104, қ. 2 гунаҳкор эътироф намуда, ба ҳабси абад маҳкум намуд.
Ёдрас мекунем, ки рӯзи 30 июни соли 20015 дар қаламрави гаражҳои кӯчаи А.Шукӯҳии шаҳри Хуҷанд
ҷасади духтарчаи 6-сола
бо аломатҳои марги маҷбури ва осори буғӣ кардану алоқаи ҷинсӣ дарёфт шуд. Зимни баргузории чорабиниҳои фаврӣ-ҷустуҷӯӣ ба гумони даст доштан дар ин ҷиноят сокини 53-солаи шаҳри Хуҷанд боздошт шуд, ки дар ҳамсоягии ин духтарча иқомат дошт.
