Ҳайати Бонки ҷаҳонӣ (БҶ) таҳти унвони
«Слушая Таджикистан»
натиҷаҳои таҳқиқоти сатҳи некӯаҳволии хонаводаҳоро интишор намуд.
Таҳлилгарони бонк бар ин назаранд, ки дар таъмини воситаҳо барои зиндагӣ ва некӯаҳволии моддии аҳолӣ Тоҷикистон бо хатарҳои назаррас дучор мешавад.
«Чанде аз ин хатарҳо имконпазир метавонанд комёбиҳои бузургмиқёси даҳсолаи охир дар мубориза бо камбизоативу осебпазириро барҳам зананд. Ба туфайли рушди устувори иқтисодӣ, сатҳи камбизоатӣ аз 37,4% дар соли 2012 то 31,6% дар семоҳаи аввали соли 2015 поин рафт, вале дар шароити мавҷуда нигаҳдории чунин натиҷаҳо ва таъмини пешрафти минбаъда бештар душвор мегардад», – қайд мекунанд коршиносон.
Ин таҳқиқот бар асоси баргузор намудани мониторинг давра ба давра дар чор самт: муҳоҷират ва интиқоли маблағҳои пулӣ, даромад ва шуғл, камбизоатӣ ва эҳсоси субъективии некӯаҳволии моддӣ ва хизматгузориҳо оид ба таъминот бо нерӯи барқ ва об таҳия шудааст.
