Агентии назорати давлатии молиявӣ ва мубориза бо коррупсияи Тоҷикистон барои ишғоли мансабҳои холӣ дар сохторҳои Агентӣ
озмун
эълон кард.
Бино ба маълумоти сомонаи расмии Агентии зиддифасод, ин ниҳод ба мутахассисон ва мутахассисони пешбар дар дастгоҳи марказӣ ва раёсату шуъбаҳои назорати давлатии молиявӣ ниёз дорад.
Аз довталабон донистани Конститутсия (Сарқонун), санадҳои меъёрии ҳуқуқии ҶТ ва санадҳои ҳуқуқии байналмиллалии аз ҷониби Тоҷикистон эътирофгардида, ки масъалаҳои мубориза бо коррупсияро ба танзим медароранд, донистани забони давлатӣ ва кор бо компютер талаб карда мешавад. Донистани забонҳои хориҷӣ ба инобат гирифта мешавад.
Барои ишғоли мансаби мутахассиси пешбар собиқаи кории на камтар аз 2 сол зарур аст. Ҳаҷми музди меҳнати мутахассисони талабмешуда аз 570 (тақрибан 73$) то 697,5 сомониро ташкил медиҳад.
