Кормандони милитсия марди 46-солаи сокини ноҳияи Шаҳринав, сарчӯпони яке аз хоҷагиҳои чорводории ноҳияро ба гумони азхудкунии моли хоҷагӣ дастгир карданд.
Бино ба иттилои дафтари матбуоти ВКД Тоҷикистон, зимни гузаронидани чорабиниҳои оперативӣ-ҷустуҷӯӣ муайян карда шудааст, ки гумонбаршуда 758 сар чорвои майдаи шохдори хоҷагии чорводориро ғайриқонунӣ азхуд намудааст.
Гуфта мешавад, арзиши умумии чорвои зикргардида 279 ҳазору 369 сомониро ташкил медиҳад.
Зимнан зикр мегардад, ки нисбати далели мазкур парвандаи ҷиноятӣ оғоз гардида, тафтишот идома дорад.
