Кумитаи ҳолатҳои фавқулода ва мудофиаи гражданӣ (КҲФ ва МГ)-и назди ҳукумати Тоҷикистон иттилоъ медиҳад, ки аз 28 то 31 июл дар қаламрави ҷумҳурӣ обуҳавои номусоид, аз ҷумла боришоти шадид, раъду барқ ва пурзӯр шудани вазиши шамол то 15-20 метр дар як сония дар назар аст.
Ба иттилои манбаъ, дар минтақаҳои доманакӯҳ фаромадани сел, болоравии сатҳи об дар дарёву рӯдхонаҳо аз эҳтимол дур набуда, тахриби хатҳои интиқоли барқ, сохторҳои рекламавии паҳну баланди номустаҳкам ва шикастану афтодани дарахтон имкон дорад, ки ба осеб дидани воситаи нақлиёт, афзоиши шумори ҳодисаҳои ҷароҳатбардорӣ миёни аҳолӣ боис шуда метавонад.
Дар ин робита КҲФ ва МГ аз шаҳрвандон ва меҳмонони ҷумҳурӣ дархост мекунад, ки дар ин рӯзҳо баҳри таъмини бехатарӣ тавсияҳои зеринро риоя намоянд:
– пӯшидани тирезаҳо ҳангоми аз хона берун рафтан;
– мувофиқи имкон гузоштани автомобил дар гараж ва дар сурати мавҷуд набудани он, дуртар аз зери дарахтон ва сохторҳои номустаҳкам.
