Собиқ котиби давлатӣ ва феълан номзад ба мансаби раиҷумҳури ИМА аз Ҳизби демократӣ Ҳиллари Клинтон, ки бемориашро илтиҳоби шуш (пневмония) ташхис кардаанд, дар Twitterи худ изҳор дошт, ки худро хуб ҳис мекунад ва вазъи сиҳатиаш рӯ ба беҳбудӣ меоварад.
Сиёсатмадор қайд кардааст, ки бесаброна замони бозгашт ба корро интизорӣ дорад, то ки бо ҷонибдоронаш дар маъракаи пешазинтихоботӣ дидору мулоқот намояд.
Хабаргузории РБК менависад, рӯзи 11 сентябр ҳангоми суханронӣ дар чорабинӣ бахшида ба ёдбуди қурбониёни амали террористӣ дар Ню-Йорк вазъи Ҳиллари Клинтон бад шуд.
Қаблан зикр гардида буд, ки ситоди номзад ба мансаби президенти ИМА аз Ҳизби демократ Ҳиллари Клинтон эътироф кард, ки тасмими аз вазъи сиҳатии номзад ба ҷомеа хабар надодан нодуруст аст.
